Léachtóir/ Ollamh Cúnta (Conradh sainchuspóra), Roinn na Nua-Ghaeilge, Ollscoil Mhá Nuad

Tá Ollscoil Mhá Nua tiomanta do straitéis ina ndéantar príomhspriocanna na hOllscoile maidir le taighde agus scoláireacht den scoth agus oideachas den scoth a idirnascadh agus ina léirítear an meas céanna ar an dá ghné. 

Tá scoláire á lorg againn a thiocfaidh isteach san fhoireann mar Léachtóir/ Ollamh Cúnta sa Nua-Ghaeilge. Fáilteofar roimh iarratais ó dhaoine a bhfuil saineolas acu ar an mBéaloideas agus ar na hEalaíona Dúchais agus a bhfuil taithí acu ar theagasc na Gaeilge scríofa. Beidh ag an té a cheapfar Gaeilge labhartha agus scríofa den scoth agus taifead cruthaithe de theagasc, taighde agus foilsiú, a bheidh ag teacht le céim forbartha na gairme. Beifear ag súil go gcuideoidh siad go mór le clár teagaisc na Roinne agus go rachaidh siad i mbun dualgas teagaisc ar chlár fochéime agus iarchéime na Roinne.

Beifear ag súil le go bhforbróidh an té a cheapfar próifíl láidir taighde, ina dtacófar le straitéis na hOllscoile lena n-áirítear cleamhnú le hinstitiúidí taighde, nuair is cuí, agus dul i mbun oibre le comhghleacaithe ar thaighde náisiúnta agus idirnáisiúnta. Beifear ag súil le go rachaidh an té a cheapfar i mbun taighde, go mbeidh an duine sin ag gabháil do scoláireacht shubstaintiúil ar ardchaighdeán agus go mbeidh siad in ann foilseacháin ar chaighdeán idirnáisiúnta a ghiniúint.